Joriy yilning 12-mart kuni Zarafshon shahar sport maktabida yoshlar kuni munosabati bilan “Rahbar va yoshlar uchrashuvi” boʻlib oʻtdi. Unda Zarafshon shahar hokimi, xalq deputatlari Zarafshon shahar kengashi deputati N.Rahmanov, masʼullar, murabbiylar va sportchi yoshlar ishtirok etishdi. Uchrashuvda shahrimiz hokimi yurtimizda yoshlarni har tomonlama qoʻllab-quvvatlash boʻyicha olib borilayotgan ishlar toʻgʻrisida soʻz yuritdi. Uchrashuv davomida sportchi yoshlar va murabbiylar tomonidan shahrimizda sportni yanada rivojlantirish boʻyicha taklif va mulohazalar bildirildi. Shahrimiz hokimi mazkur takliflar atroflicha oʻrganib chiqilishini maʼlum qildi.