O‘zbekiston Ekologik partiyasi Olmazor tuman Kengashi tomonidan O‘zbekiston Respublikasi Konstitutsiyasining 33 yilligi munosabati bilan Yangi Asr universitetida "Konstitutsiya — erkin va farovon hayot garovi" shiori ostida tadbir tashkil etildi.

Tadbirda O'zbekiston Ekologik partiyasi Olmazor tuman partiya tashkiloti raisi, Xalq deputatlari Olmazor tuman Kengashi deputati Shaxnoza Umarxodjayeva bosh qomusimizda belgilangan ekologik normalar, atrof-muhitni muhofaza qilishga oid huquq va majburiyatlar, amalga oshirilayotgan konstitutsiyaviy islohotlar, inson huquq va erkinliklarining mustahkamlanishi haqida talabalarga batafsil tushuntirish berdi. 

Shuningdek, suhbat davomida talabalar ekologik barqarorlikni ta’minlashga doir qonunlarning ijrosi, tabiiy boyliklardan oqilona foydalanish va bu boradagi xalqaro tajriba haqida qiziqarli ma’lumotlarga ega bo‘lishdi.

Atrof-muhit himoyasi – Konstitutsiyaviy burchimizdir!