Xalq deputatlari Farg‘ona tuman Kengashi deputatlari tomonidan fuqarolar murojaatlari bo‘yicha navbatdagi “Deputatlik so‘rovi” yuborildi.

Xalq deputatlari Farg‘ona tuman Kengashi kotibiyati tashabbusi bilan 2-sektor bilan hamkorlikda hududlarga o‘tkazilgan o‘rganishlar va ularda aniqlangan muammolar, ya’ni Qorayantoq va O‘rta qishloq mahalla fuqarolari yig‘inlarida istiqomat qiluvchi fuqarolarni qiynayotgan oqava va ichimlik suvi tanqisligi va buning natijasida olis hududlarda dehqonchilik bilan shug‘ullanuvchilarning tirikchilik manbaiga amaliy yordam berishlari uchun tuman Suvoqava bo‘limi boshlig‘i A.Teshaboyevga tuman Kengashi deputatlari O.Dadajonova va F.Mirzayev tomonidan “Deputatlik so‘rov”i yuborildi.

Ushbu “Deputatlik so‘rov”lariga ko‘ra, fuqarolarni bir necha yillardan buyon qiynab kelayotgan muammoni hal bo‘lishiga ishonamiz. Niyatimiz mana shu hududlarda istiqomat qiluvchi fuqarolar uchun yetarli shart-sharoitlar yaratilishida har bir korxona-tashkilotlar birdek mas’uliyat bilan yondashishlaridir.

Zero, har doim ta’kidlaganimizdek, har qanday holatda ham xalqparvar mas’ullar albatta bu muammolarga yechim topib, jonajon xalqimizni rozi qilishlariga umid qilamiz va albatta bu yo‘ldan aslo qaytmaymiz. Buning uchun esa bizga ishonch bildirgan jonajon xalqimizning duolaridir...