JAMG‘ARMA MABLAG‘LARINI YO‘NALTIRISH VA MAHALLIY BUDJET MABLAG‘LARINI AJRATISH MASALASI MUHOKAMA QILINDI

Xalq deputatlari Sho‘rchi tumani Kengashining VII chaqiriq yigirma to‘rtinchi sessiyasida kun tartibidagi Sho‘rchi tumani hokimligi huzuridagi “Infratuzilma va ijtimoiy barqarorlik” jamg‘armasi mablag‘larini yo‘naltirish hamda tuman mahalliy budjetining 2026-yil II chorak daromadlar rejasi ortig‘i bilan bajarilgan qismi hisobidan mablag‘ ajratish to‘g‘risidagi masala ko‘rib chiqildi.

Mazkur masala yuzasidan tuman hokimining birinchi o‘rinbosari — Iqtisodiyot va moliya bo‘limi boshlig‘i M. Chorshanbiyev so‘zga chiqib, jamg‘arma mablag‘larini yo‘naltirish hamda mahalliy budjetning daromadlar rejasi ortig‘i bilan bajarilgan qismi hisobidan mablag‘ ajratish masalalari yuzasidan hisobot berdi.

Sessiya davomida mablag‘lardan maqsadli va samarali foydalanish, hududlarda mavjud infratuzilma muammolarini bartaraf etish, ijtimoiy ahamiyatga ega tadbirlarni moliyalashtirish hamda budjet mablag‘larining sarflanishida qonuniylik va shaffoflikni ta’minlash masalalari muhokama qilindi.

Kun tartibidagi masala yuzasidan deputatlarning fikr-mulohazalari va takliflari tinglandi.

Mahalliy budjet mablag‘laridan oqilona foydalanish — hududlarni rivojlantirish va aholi farovonligini oshirishning muhim omilidir.

✍️Xalq deputatlari Sho‘rchi tumani Kengashi Matbuot xizmati