Qiziltepa tumani bo‘ylab "Yashil makon" umumilliy dasturi doirasida bajarilayotgan amaliy ishlar natijasida yil sayin bog‘lar, yashil hududlar ko‘payib bormoqda.

Ayni kunlarda ham tumanda yangi manzillarda "Yashil makon"lar barpo etish maqsadida yerlar tayyorlanmoqda, ko‘chatlar o‘tqazilib, ularning sug‘orish tizimi ham yo‘lga qo‘yilmoqda.

Ayni paytda davom etayotgan "Yashil makon" tadbiri jarayonida qiziltepaliklar Malikobod mahallasi hududidagi 50 gektarli yangi maydonda 80 mingga yaqin iqlim sharoitiga mos manzarali daraxt ko‘chatlari o‘tqazishadi.

Umuman olganda tumanda "Yashil makon" dasturining 2025 yil bahorgi mavsumida 1 million 280 mingta ko‘chatlar ekilishi rejalashtirilgan.

Jarayon davom etmoqda.