КЕГЕЙЛИДА НАВРЎЗ БАЙРАМИ БОШЛАНИБ КЕТДИ. 

Яқинда Ҳурматли Президентимиз томонидан Наврўз умумхалқ
байрамини мамлакатимизда "Қадриятларинг боқий бўлсин, Наврўз!" деган
бош ғоя асосида умумхалқ саиллари тарзида юқори даражада кенг нишонлаш бўйича
махсус қарори қабул қилинган эди. 

Ушбу қарор талабларидан келиб чиқиб бугун Кегейли тумани
14-сонли умумий ўрта таълим мактабида мактаб жамоаси томонидан
"Наврўз" байрами тадбири ташкил этилди. 

Байрам тадбирида Халқ депутатлари туман Кенгаши котибияти
мудири Б.Искендеров, туман Кенгаши депутатлари, ЎзЛиДеП Кегейли туман Кенгаши
вакиллари, мактаб жамоаси ҳамда ўқувчи ёшлар иштирок этди. 

Тадбирда мактаб ўқувчилари томонидан қорақалпоқ элининг
миллий анъаналари ҳамда миллий ўйинларимиздан саҳна кўринишлари намойиш этилди. 

Шунингдек, байрам тадбири давомида ёшларимизни Ватанга
ҳурмат ва муҳаббат руҳида тарбиялаш борасида фаоллик кўрсатиб келаётган бир
қатор устозлар фахрий ёрлиқ ҳамда қимматбаҳо совғалар билан тақдирланди.