Xalq deputatlari tuman Kengashi kotibiyat mudiri M.Urazbayev, doimiy komissiya raislari hamda siyosiy partiyalarning tuman Kengashidagi guruh rahbarlari ishtirokida navbatdagi sessiya kun tartibiga kiritilgan masalalar muhokamasiga bag‘ishlangan yig‘ilish bo‘lib o‘tdi.

Yig‘ilishda sessiya kun tartibidan o‘rin olgan masalalarning mazmun-mohiyati va dolzarbligi atroflicha ko‘rib chiqildi. Yig'ilish ishtirokchilari tomonidan bildirilgan taklif va mulohazalar asosida masalalarni yanada puxta o‘rganish yuzasidan fikr almashildi.

Partiya guruhlari rahbarlari ham muhokamalarda faol ishtirok etib, o‘z takliflarini bildirdilar.
Muhokamalar davomida aholi manfaatlarini ustuvor qo‘yish, hududdagi mavjud muammolarni manzilli hal etish hamda qabul qilinadigan qarorlarning ijrosini ta’minlash muhimligi ta’kidlandi.