#162_ta_qonun
📚 PEDAGOGNING HUQUQLARI — QONUN HIMOYASIDA
O‘zbekiston Respublikasining 2024-yil 1-fevraldagi O‘RQ-901-son “Pedagogning maqomi to‘g‘risida”gi Qonuni pedagoglarning huquqlari, qonuniy manfaatlari va kasbiy faoliyatini himoya qilishga qaratilgan muhim huquqiy asosdir.

📌 Qonunda pedagoglar uchun qanday kafolatlar belgilangan?

🔹 Pedagogning sha’ni, qadr-qimmati va ishchanlik obro‘si davlat himoyasida.

🔹 Pedagogning kasbiy faoliyatiga noqonuniy aralashish, bilimlarni xolis baholashiga ta’sir ko‘rsatish hamda xizmat vazifalarini bajarishiga to‘sqinlik qilishga yo‘l qo‘yilmaydi.

🔹 Pedagoglarni kasbiy faoliyatiga aloqador bo‘lmagan ishlarga, jumladan obodonlashtirish va qishloq xo‘jaligi ishlariga jalb qilish taqiqlanadi.

🔹 Pedagogdan uning kasbiy majburiyatlariga taalluqli bo‘lmagan hisobot va ma’lumotlarni talab qilishga yo‘l qo‘yilmaydi.

🔹 Pedagog o‘z kasbiy faoliyatini amalga oshirishda zamonaviy pedagogik texnologiyalar, o‘qitish vositalari va usullarini tanlash huquqiga ega.

🔹 Davlat ta’lim tashkilotlari pedagoglari uchun qonunchilikda belgilangan tartibda malaka oshirish, o‘quv-uslubiy materiallar va ijtimoiy kafolatlar ta’minlanadi.

🔹 Pedagog o‘z huquqlari buzilgan taqdirda ularni qonuniy tartibda himoya qilish, zarur hollarda sudga murojaat qilish huquqiga ega.

⚖️ Muhim: pedagog huquqlariga hurmat bilan munosabatda bo‘lish — ta’lim sifati va pedagogning munosib mehnat qilishi uchun muhim shartdir.

Qonunni bilish — huquqni anglash. Huquqni anglash esa uni himoya qila olish demakdir.

Xalq deputatlari Sherobod tumani Kengashi
15-Bahor saylov okrugi deputati
Tojiyev Asadulla Yaxshiboyev

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube