Xalq deputatlari Jondor tumani Kengashi deputati N. Fatullayeva hamda tuman Kengashi kotibiyati mudiri I. Xolov tomonidan “Boliob” mahallasida saylovchilar bilan sayyor qabul o‘tkazildi.
➡️Sayyor qabul davomida fuqarolarning murojaatlari, taklif va muammolari tinglanib, ularni qonuniy tartibda hal etish bo‘yicha tegishli tushuntirishlar berildi. Murojaatlarda, asosan, hudud infratuzilmasini yaxshilash, ijtimoiy masalalar, obodonlashtirish hamda aholini qiynayotgan boshqa muammolar yuzasidan fikr va takliflar bildirildi.
➡️Deputat N. Fatullayeva fuqarolar tomonidan ko‘tarilgan har bir masalaga e’tibor qaratib, murojaatlarni o‘rganish va amaliy yechim topishda tegishli tashkilotlar bilan hamkorlik qilishini ta’kidladi.
➡️Bunday sayyor qabullar aholining muammolarini bevosita joyida o‘rganish, fuqarolar bilan ochiq muloqotni kuchaytirish va ularning qonuniy manfaatlarini himoya qilishda muhim ahamiyat kasb etadi.
➡️Muloqot yakunida murojaatlar nazoratga olinib, ularning ijrosi bo‘yicha tegishli choralar belgilandi.