#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

KITOBXONLIK — MA’RIFAT VA TARAQQIYOT ASOSI

🇺🇿 Xalq deputatlari Uchtepa tumani Kengashi deputatlari K.Abdullayeva, K.Azizov, B.Xalmatov, S.Djalolov hamda Kengash kotibiyati mudiri A.Usmanov tomonidan Uchtepa tumani Axborot-kutubxona markazi faoliyati va kitobxonlar uchun yaratilgan sharoitlar o‘rganildi.

📊 Monitoring mahalliy Kengash deputatlari faoliyatining ustuvor yo‘nalishlaridan biri — hududdagi kutubxona va boshqa madaniyat maskanlari holatini o‘rganish doirasida tashkil etildi.

📙 O‘rganish davomida markaz fondida 56 mingdan ortiq kitob mavjudligi, aholi, ayniqsa yoshlar o‘rtasida kitobxonlikni keng targ‘ib etish bo‘yicha qator ishlar amalga oshirilayotgani ko‘zdan kechirildi.

🕯 Shuningdek, Oliy Majlis huzuridagi Fuqarolik jamiyati institutlarini qo‘llab-quvvatlash jamoat fondi tomonidan avvalgi mavsumlarda taqdim etilgan kitob javonlari, kompyuter jihozlari va elektron doskalar ham ko‘rib chiqildi.

📈 Deputatlar o‘rganish yakunida kutubxonaning moddiy-texnik bazasini mustahkamlash, aholi uchun yanada qulay sharoitlar yaratish va kitobxonlik madaniyatini yuksaltirishga qaratilgan ishlarni izchil davom ettirish muhimligini ta’kidladilar.