#deputat_soʻrovi

🇺🇿 Xalq deputatlari Taxiatosh tumani Kengashiga Oʻzbekiston Xalq demokratik partiyasidan saylangan deputat Taganberdiyev Galpak Arazdurdiyevich deputatlik so‘rovi yoʻlladi

📌 Xalq deputatlari Taxiatosh tumani Kengashi deputati Taganberdiyev Galpak Arazdurdiyevich tumanimizda fuqarolarning turmush sharoitlarini va Infratuzilmani yaxshilash masalalarini yanada takomillashtirish maqsadida “Taxiatosh tumangaz” ta’minoti bo‘limi boshlig‘i S.Qutlimuratovga deputatlik so‘rovi yo‘lladi.

⚡️ “Taxiatosh tumangaz” ta’minoti bo‘limi boshlig‘i S.Qutlimuratovga yo‘llangan deputatlik so‘rovida deputat:
🟢 Taxiatosh tumani “Naymanko‘l” ovul fuqarolar yig‘inidagi G‘uncha ko‘chasi bo‘yidan o‘tuvchi gaz trubalari yerda yotganligi, gaz hidi chiqib turganligi va ushbu gaz tarmog‘i chirib, yaroqsiz bo‘lib qolishining oldini olish uchun yerdan balandga ko‘tarib, estetik holatga keltirish ishlariga zarurat tug‘ilayotganligi yuzasidan rasmiy javob olish maqsadida asoslantirilgan tushuntirish berish yoki o‘z nuqtai nazarini bayon qilishni so‘radi.

📥 Deputat Taganberdiyev Galpak Arazdurdiyevich mazkur so‘rov orqali mahalla aholisi uchun qulay yashash muhitini yaratish, mahallalarda mavjud muammolarga e’tibor qaratish va ularni hal etish jarayonlarini tezlashtirishni maqsad qilgan.

✍️ Ma’lumot uchun: “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5- va 8-moddalariga binoan deputatlik so‘roviga javob 10 kun ichida taqdim etilishi lozim. Deputat so‘rovini o‘z vaqtida ko‘rib chiqmaslik yoki noto‘g‘ri ma’lumot berish Ma’muriy javobgarlik to‘g‘risidagi kodeksning 193-moddasiga muvofiq javobgarlikka sabab bo‘ladi.