Deputatlik so‘rovi yuborildi

Fuqarolardan kelib tushgan jamoaviy murojaat asosida Obihayot ko‘chasining mavjud holati o‘rganildi. O‘rganishlar natijasida ko‘chani ta’mirlash, asfalt qoplamasi yotqizish hamda uni istiqboldagi ta’mirlash dasturlariga kiritish yuzasidan mas’ul tashkilotga deputatlik so‘rovi yuborildi.

So‘rovda ichki yo‘llarni ta’mirlash dasturini shakllantirish tartibi, tanlash mezonlari va mazkur ko‘cha bo‘yicha rejalashtirilgan ishlar haqida rasmiy axborot taqdim etish so‘ralgan.
Mazkur masala yuzasidan olib borilayotgan ishlar deputat tomonidan nazorat qilib boriladi.