✔️Qaraqalpaqstan Respublikası Joqarǵı Keńesi baslıǵınıń 2026-jıl 6-aprel kúngi Qaraqalpaqstan Respublikası Joqarǵı Keńesi deputatları tárepinen 2026-jıl I sheregi dawamında óz iskerligi boyınsha saylawshılar menen ushırasıw reje-grafigine tiykar Qońırat rayonında Qaraqalpaqstan Respublikası Joqarǵı Keńesine 49-Qońırat saylaw okruginen deputat Eshbaev Qurazbay Ashirovich hámde "Milliy tiklanish DP" nan saylanǵan Xalıq deputatları Qońırat rayonlıq Keńesine 20-Órnek saylaw okruginen deputat Otelbaev Bаxtiyar Aybekovich Órnek awıl puqaralar jıyını aymaǵındaǵı 7-sanlı mektep imaratında «Órnek» awıl puqaralar jıyınındaǵı saylawshılar menen ushırastı.

Ushırasıwǵa awıl puqaraları hám de kommunal tarawı, jol qurılısı, elektr hám de abadanlastırıw basqarması wákilleri qatnastı.

💠Ushırasıw barısında Joqarǵı Keńes deputatı Q.Eshbaev Ózbekstan hám Qaraqalpaqstan Respublikalarında qabıl etilgen sonǵı Nızamlar, Ózbekstan Respublikası Prezidenti Párman hám Qararları hám de Qaraqalpaqstan Respublikası Joqarǵı Keńesi tárepinen Respublikanı sociallıq-ekonomikalıq jaqtan rawajlandırıw boyınsha qabıl etilgen qararlar haqqında keń túsinik berdi.

Sonday-aq "Milliy tiklanish DP" nan saylanǵan Xalıq deputatları Qońırat rayonlıq Keńesine 20-Órnek saylaw okruginen deputat Otelbaev BAxtiyar Aybekovich 2026-jıl I sheregi dawamında deputatlıq iskerligi boyınsha esabat berdi.

Atap aytqanda, ushırasıwda xalıqqa jasaw ushın qolaylı shárt sharayatlar jaratıw, Respublika qala hám rayonlarınıń kelbetin hám infrastrukturasın jaqsılaw, kámbaǵallıqtı kemeytiw, bántlik, xalıq ushın zárúr bolǵan gaz, elektr, ishimlik suw tarmaqları, ishki jollardı ońlaw máselelerine dıqqat awdarıldı.

➡️Joqarıdaǵı máselelerdi hám payda bolǵan mashqalalardı tez arada unamlı sheshiw boyınsha tiyisli mámleketlik organlarǵa, mákeme hám kárxanalarǵa tapsırmalar berildi. 

Ushırasıw sońında Joqarǵı Keńes deputatı Q.Eshbaev hámde rayonlıq Keńes deputatı B.Otelbaev puqaralardı jeke qabıllawın ótkerip, olardıń aymaqtaǵı mashqalaların tıńladı hám olardı sheshiw boyınsha ámeliy iláj kóretuǵınlıǵın bildirdi.

Sonday-aq, deputat tárepinen puqaralar jıyınlarındaǵı mashqalalı máselelerdi orınlarǵa shıǵıp, úyreniw jumısların ótkerdi.

✍️Xalıq deputatları Qońırat rayonlıq Keńesi sekretariatı