Kengash raisining bir kuni 

                                                                                                                                                                                                                                                                  Xalq deputatlari Uzun tumani Kengashi raisi Dilorom Safarova hamda mahalla nuroniylari ishtirokida tumandagi 2-sonli umumta’lim maktabida “Uch avlod uchrashuvi” ma’naviy-ma’rifiy davra suxbati tashkil etildi.

Davra suxbati davomida nuroniylar o‘zlarining hayotiy tajribalari, mehnat faoliyati va bosib o‘tgan yo‘llari haqida so‘zlab berdilar. Yoshlar tomonidan berilgan savollarga atroflicha javoblar berildi hamda kelajak avlodni komil inson qilib tarbiyalashda oila, maktab va mahalla hamkorligining ahamiyati alohida ta’kidlandi.

Tuman Kengashi raisi o‘z nutqida yoshlarni bilim olishga, yurt ravnaqi yo‘lida fidokorona mehnat qilishga, milliy qadriyatlarimizga sodiq bo‘lishga chaqirdi. Shuningdek, bunday uchrashuvlar yoshlar tarbiyasida muhim o‘rin tutishi qayd etildi.