Xalq deputatlari Jondor tumani Kengashining navbatdagi o‘ninchi sessiyasi bo‘lib o‘tdi.

Sessiyada Xalq deputatlari tuman Kengashi deputatlari, tuman hokimining o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari hamda ommaviy axborot vositalari vakillari ishtirok etdilar.

Sessiya ishida O‘zbekiston Respublikasi Prezidentining 2023-yil 31-yanvardagi “Oilaviy tadbirkorlikni rivojlantirish dasturlari doirasida aholining biznes tashabbuslarini qo‘llab-quvvatlashni yangi bosqichga olib chiqishga doir qo‘shimcha chora-tadbirlari to‘g‘risida”gi PQ-39-sonli qarorining 2025-yil 1-choragi davomida Jondor tumanidagi ijrosi, Jondor tumani ekologiya, atrof-muhitni muhofaza qilish va iqlim o‘zgarishi bo‘limi boshlig‘i B.Qurbonovning tumanda 2024-yilda amalga oshirgan ishlar, Jondor tumanida 2025-yil 1-choragi davomida tumandagi tashkilotlar rahbarlari faoliyati hamda murojaatlar bilan ishlash holati yuzasidan O‘zbekiston Respublikasi Prezidentining Jondor tumani Xalq qabulxonaning axboroti, O‘zbekiston Respublikasi Vazirlar Mahkamasining 2025-yil 11-fevraldagi “Buxoro viloyatida yoshlar bilan ishlash samaradorligini oshirish, ularning iqtidorini ro‘yobga chiqarish va bo‘sh vaqtini mazmunli tashkil etish uchun qo‘shimcha sharoitlar yaratish chora-tadbirlari to‘g‘risida”gi 79-sonli qarorini tumanda ijrosi, O‘zbekiston Respublikasi Prezidentining 2023-yil 7-avgustdagi “Osiyo infratuzilma investitsiyalari banki ishtirokida “Buxoro viloyatining suv ta’minoti va kanalizatsiya tizimlarini rivojlantirish va modernizatsiya qilish (2-bosqich)” loyihasini amalga oshirish chora-tadbirlari to‘g‘risida”gi PQ-266-sonli qarorini tumanda ijrosi, Jondor tumanida ichki xo‘jalik avtomobil yo‘llarini joriy ta’mirlashni dastlabki manzilli dasturi hamda boshqa masalalar ko‘rib chiqildi.

Kun tartibidagi barcha masalalar atroflicha muhokama qilinib, Xalq deputatlari Jondor tumani Kengashining tegishli qarorlari qabul qilindi.