Mahalla boshqaruvida samaradorlik va hamkorlik masalalari muhokama qilindi

O‘zbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi PF-116-son Farmoni ijrosi yuzasidan Taxiatosh tumanida amaliy uchrashuv o‘tkazildi.

Unda Qoraqalpog‘iston Respublikasi Jo‘qorg‘i Kengesi Mahalliy hokimiyat vakillik va fuqarolarning o‘zini o‘zi boshqarish organlari hamda davlat organlarining ochiqligini ta’minlash masalalari qo‘mitasi raisi Otemisov Sharapat Jangabaevich, Xalq deputatlari Taxiatosh tumani Kengashi kotibiyati mudiri A.Matniyazov hamda O‘zbekiston mahallalari uyushmasining tuman bo‘limi boshlig‘i Q.Ametov ishtirok etdi.

📍 “Shamchiroq” MFY aholisi hamda tuman mahalla raislari bilan o‘tkazilgan majlisda Farmonda belgilangan vazifalar, mahalla boshqaruvini yanada samarali tashkil etish va hududlarda amalga oshirilishi lozim bo‘lgan ishlar yuzasidan fikr almashildi.

🗣 Uchrashuv davomida mahalla raislarining faoliyatini samarali tashkil etish, aholi bilan ishlashni kuchaytirish, mavjud muammolarni manzilli o‘rganish hamda belgilangan vazifalarning ijrosini ta’minlash bo‘yicha zarur tavsiyalar ilgari surildi.

🤝 Mahalla — aholi bilan davlat o‘rtasidagi eng yaqin va muhim bo‘g‘in. Shu bois uning faoliyatini samarali tashkil etish hududdagi muammolarni tezkor aniqlash va amaliy yechim topishda muhim ahamiyat kasb etadi.