Deputatlarning saylovchilar manfaatlarini ifoda etishi bilan bir qatorda, hududdagi tashkilot va muassasalar faoliyati bilan yaqindan tanishishi, mavjud masalalarni o‘rganishi ham deputatlik faoliyatining muhim yo‘nalishlaridan biridir.

Shu maqsadda 7-Bahrin saylov okrugi deputati M. Raimdjanov hamda Xalq deputatlari Marg‘ilon shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi A. Mahkamov tomonidan deputat M. Raimdjanovga biriktirilgan tashkilot — Marg‘ilon shahar soliq inspeksiyasi faoliyati o‘rganildi.

O‘rganish davomida O‘zbekiston Respublikasining “Davlat soliq xizmati to‘g‘risida”gi Qonuni, 1997-yil 29-avgustdagi 474-I-son Qonuni talablarining ijrosiga alohida e’tibor qaratildi. Jumladan, soliq organlarining belgilangan vazifalarni bajarishi, soliq to‘lovchilarning huquq va qonuniy manfaatlarini ta’minlash, soliq qonunchiligiga rioya etilishi hamda murojaatlar bilan ishlash holati yuzasidan ma’lumotlar olindi.

O‘rganish davomida soliq inspeksiyasining asosiy faoliyat yo‘nalishlari, hududda soliq qonunchiligi ijrosini ta’minlash, soliq to‘lovchilarga ko‘rsatilayotgan xizmatlar hamda murojaatlar bilan ishlash jarayonlari yuzasidan ma’lumotlar olindi.

Deputatlar tomonidan tashkilot faoliyatida aholi va tadbirkorlar bilan ishlash, ularning qonuniy manfaatlarini ta’minlash, murojaatlarni o‘z vaqtida ko‘rib chiqish hamda mavjud masalalarni qonunchilik talablari asosida hal etishga alohida e’tibor qaratildi.

O‘rganish jarayonida deputatlarga shahar soliq inspeksiyasi vakili U. Yusupov hamrohlik qilib, faoliyat yo‘nalishlari va amalga oshirilayotgan ishlar yuzasidan tegishli ma’lumotlarni taqdim etdi.

Bunday o‘rganishlar deputatlarning biriktirilgan tashkilotlar faoliyati bilan bevosita tanishishi, hududdagi dolzarb masalalarni aniqlashi va ularning yechimi yuzasidan tegishli choralarni belgilashga xizmat qiladi.