БОЛАЛАРНИ ЗАРАРЛИ АХБОРОТДАН ҲИМОЯ ҚИЛИШ МАСАЛАЛАРИ ЎРГАНИЛДИ
Халқ депутатлари Янгиқўрғон тумани Кенгаши депутати Бўтаев Комилжон Охунович томонидан иш режаси асосида сайлов округида жойлашган техникумда ўрганиш ишлари олиб борилди.
Ўрганиш давомида Ўзбекистон Республикасининг 2017 йил 8 сентябрдаги ЎРҚ–444-сонли «Болаларни уларнинг соғлиғига зарар етказувчи ахборотдан ҳимоя қилиш тўғрисида»ги Қонуни ижроси таҳлил қилинди.
Мазкур Қонуннинг асосий мақсади болаларни уларнинг жисмоний, руҳий ва маънавий ривожланишига салбий таъсир кўрсатиши мумкин бўлган ахборотлардан ҳимоя қилиш соҳасидаги муносабатларни тартибга солишдан иборат. Қонунда болалар ўртасида тарқатилиши тақиқланган ёки ёш тоифаларига кўра чекланган ахборот турлари, ахборот маҳсулотларини ёшга мувофиқ таснифлаш ҳамда таълим муассасалари ва бошқа масъул ташкилотларнинг вазифалари белгилаб берилган. Қонуннинг расмий матни — LexUZ⁠�
Ўрганиш жараёнида техникумда:
🔹 ўқувчиларнинг интернет ва ижтимоий тармоқлардан хавфсиз фойдаланишини таъминлаш;
🔹 зўравонлик, шафқатсизлик, ахлоқсизлик ва ёт ғояларни тарғиб қилувчи материаллар таъсирининг олдини олиш;
🔹 ёшлар ўртасида медиасаводхонлик ва ахборотдан тўғри фойдаланиш кўникмаларини шакллантириш;
🔹 компьютер хоналаридаги интернет тармоғидан фойдаланиш ҳолати;
🔹 ўқувчилар, педагоглар ва ота-оналар ўртасида тушунтириш ишларининг ташкил этилишига алоҳида эътибор қаратилди.
Депутат томонидан техникум масъулларига болаларни зарарли ахборот таъсиридан ҳимоя қилиш, уларнинг ҳуқуқий ва медиасаводхонлигини ошириш, профилактик тадбирларни мунтазам ўтказиш ҳамда ота-оналар билан ҳамкорликни янада кучайтириш бўйича тегишли тавсиялар берилди.
📌 Қонун талабларининг таълим муассасасида тўлиқ ва самарали бажарилиши депутатлик назоратига олинди.