Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich tomonidan Xalq deputatlari Taxiatosh tumani Kengashi huzuridagi "Yoshlar maslahat guruhi" a’zolari uchun seminar tashkil etildi.

📚 Seminar davomida yoshlarning mahalliy boshqaruvdagi o‘rni, tashabbuskorligi hamda Kengash faoliyatidagi ishtirokini yanada faollashtirish masalalariga alohida e’tibor qaratildi.

🤝 Seminar davomida quyidagi masalalar atroflicha tushuntirildi:
🔹 yoshlarning taklif va muammolarini tizimli ravishda o‘rganish;
🔹 aniqlangan masalalarni Xalq deputatlari Kengashi muhokamasiga olib chiqish;
🔹 yoshlarga oid qarorlar va tashabbuslar muhokamasida faol ishtirok etish;
🔹 deputatlar bilan birgalikda hududlarga chiqib, mavjud muammolarni joyida o‘rganish;
🔹 yoshlarning fikr va takliflarini Kengashga yetkazish mexanizmlaridan samarali foydalanish.

💬 Shuningdek, guruh a’zolariga kelgusidagi faoliyatni samarali tashkil etish, hududlarda yoshlar bilan yaqindan ishlash hamda ularning muammolarini o‘rganishda mas’uliyat bilan yondashish yuzasidan amaliy tavsiyalar va tegishli ko‘rsatmalar berildi.

🌱 Yoshlar maslahat guruhi — bu shunchaki maslahat beruvchi tuzilma emas, balki yoshlarning tashabbuslari va muammolarini mahalliy Kengashga yetkazishda muhim jamoatchilik maydonidir.

🤝 Yoshlar faol bo‘lsa, hudud rivojlanadi. Yoshlarning fikri eshitilsa, qabul qilinayotgan qarorlarning sifati yanada oshadi.