Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tomonidan tumandagi Markaziy dehqon bozorida asosiy turdagi oziq-ovqat mahsulotlarining narxlari, mavjud zaxiralari hamda kuz-qish mavsumiga tayyorgarlik holati o‘rganildi.

🟢O‘rganish davomida aholini kundalik iste’mol uchun zarur bo‘lgan oziq-ovqat mahsulotlari bilan uzluksiz ta’minlash, bozorda mahsulotlar yetarliligini saqlash, narxlar barqarorligini ta’minlash va mavsumiy talabni qondirish masalalariga alohida e’tibor qaratildi.

🟢Xususan, bozordagi asosiy turdagi oziq-ovqat mahsulotlarining narxlari, savdo rastalaridagi mavjudligi va zaxiralarning shakllantirilganligi ko‘zdan kechirildi. O‘rganish natijalariga ko‘ra, mahsulotlar ta’minoti hamda narxlar holati qoniqarli deb baholandi. Asosiy turdagi oziq-ovqat mahsulotlari bo‘yicha narxlar barqarorligi saqlanayotgani qayd etildi.

🟢Bozorda oziq-ovqat mahsulotlari narxlari va zaxiralari holati muntazam ravishda nazorat qilib borilishi, narxlarning asossiz oshishiga yo‘l qo‘ymaslik, mahsulotlar ta’minotidagi uzilishlarning oldini olish hamda iste’molchilar manfaatlarini himoya qilishga qaratilgan ishlarning izchil davom ettirilishi dolzarb vazifalardan hisoblanadi.

🟢Shuningdek, kuz-qish mavsumida aholining oziq-ovqat mahsulotlariga bo‘lgan ehtiyojini uzluksiz qondirish, talab yuqori bo‘lgan mahsulotlar zaxirasini yetarli darajada shakllantirish va bozorda taqchillik yuzaga kelishining oldini olish muhimligi ta’kidlandi.