QOROVUL MAHALLASIDA IJTIMOIY HIMOYA MASALALARI O"RGANILDI

Xalq deputatlari Qo‘shko‘pir tumani Kengashi deputati Odamboy Karimov Qorovul mahallasida bo‘lib, mahalla ijtimoiy xodimi Ismoilova Yulduzning faoliyati bilan tanishdi hamda uning amalga oshirilgan ishlar yuzasidan axboroti tinglandi.
O‘rganish davomida mahallada kambag‘allik darajasini qisqartirish borasida amalga oshirilayotgan ishlar muhokama qilindi. Taqdim etilgan ma’lumotlarga ko‘ra, yil boshidan buyon mahallada kambag‘allik darajasi 7 foizdan 2,4 foizgacha pasaytirilgan.
Shuningdek, Qorovul mahallasida jami 170 nafar nogironligi bo‘lgan fuqaro istiqomat qilishi, ulardan 18 nafari I guruh, 135 nafari II guruh va 17 nafari III guruhga mansubligi qayd etildi.
Mazkur fuqarolarning ijtimoiy holatini o‘rganish, ularning ehtiyojlarini aniqlash hamda mavjud muammolarini hal etish maqsadida har biri bilan individual tartibda ish olib borilmoqda.
Deputat o‘rganish jarayonida ijtimoiy himoyaga muhtoj fuqarolarni qo‘llab-quvvatlash, kambag‘allikni qisqartirishga qaratilgan chora-tadbirlarning manzilli amalga oshirilishi va ijtimoiy xizmatlar samaradorligini oshirish masalalariga e’tibor qaratdi.