Xalq deputatlari Sardoba tumani Kengashi raisi R.Tashpulatov tashabbusi bilan Birlashgan mahallasidagi keksalar hamda salomatligi tufayli ko‘makka muhtoj fuqarolar holidan xabar olindi.
Tashrif davomida fuqarolarning yashash sharoitlari, mavjud muammolari va ehtiyojlari o‘rganilib, ularga amaliy yordam ko‘rsatildi.
Shuningdek, aniqlangan muammolarni o‘z vaqtida bartaraf etish, fuqarolarning murojaatlariga yechim topish hamda ularni zarur qo‘llab-quvvatlash yuzasidan tegishli tashkilotlar mas’ullariga ko‘rsatma va topshiriqlar berildi.
Mazkur tashrifdan ko‘zlangan asosiy maqsad — keksalar va ijtimoiy himoyaga muhtoj fuqarolarni qo‘llab-quvvatlash, ularga doimiy e’tibor va g‘amxo‘rlik ko‘rsatish, shuningdek, aholi muammolarini joyida o‘rganib, ularning amaliy yechimini ta’minlashdan iborat.
Inson qadrini ulug‘lash, ehtiyojmand fuqarolarni qo‘llab-quvvatlash va aholi muammolariga befarq bo‘lmaslik — xalq deputatlari Kengashi faoliyatining muhim yo‘nalishlaridan biridir