9-sonli maktabda mini-futbol maydonchasi qurilishi o‘rganildi

“Shamchiroq” MFY hududidagi 9-sonli maktabda o‘quvchilar uchun sport bilan shug‘ullanish imkoniyatlarini kengaytirishga qaratilgan ishlar davom etmoqda.

Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Turdiyev Anvar Xaytbayevich topshirig‘iga ko‘ra, Kengash kotibiyati bosh mutaxassisi A.Aymbetov “Yoshlar maslahat guruhi” va Ekspert guruhi a’zolari bilan birgalikda maktab hududida barpo etilayotgan gazon qoplamali mini-futbol maydonchasi qurilishi bilan tanishdi.

🔎 O‘rganish davomida qurilish ishlarining borishi va maydonchani belgilangan talablar asosida barpo etish masalalariga e’tibor qaratildi.

🏃‍♂️ Mazkur sport maydonchasi maktab o‘quvchilarining jismoniy faolligini oshirish, futbolga bo‘lgan qiziqishini rivojlantirish va bo‘sh vaqtini mazmunli tashkil etish uchun xizmat qilishi ko‘zda tutilgan.

📋 O‘rganish natijalari bo‘yicha ma’lumotlar deputat va Kengash kotibiyati mudiriga taqdim etiladi.