#deputat_soʻrovi #poytaxtdeputatlari #deputatlik_faoliyati

❗️ “Moxirlar” mahallasidagi Soxil ko‘chasini asfaltlashtirish masalasi deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Davronbek Ravshanbekov tomonidan Yashnobod tumani “Mohirlar” mahallasidagi Sohil ko‘chasiga asfalt qoplamasi yotqizish masalasi yuzasidan Toshkent shahar hokimining o‘rinbosari — Uy-joy kommunal xo‘jaligi bosh boshqarmasi boshlig‘i O. Muminov nomiga deputatlik so‘rovi yuborildi.

📍 Deputatlik so‘roviga joriy yilning 17-sentabr kuni Yashnobod tumanidagi “TAShISTI”, “Mohirlar” va “Uchchinor” mahalla fuqarolar yig‘inlarida o‘tkazilgan o‘rganishlar davomida fuqarolar tomonidan ko‘tarilgan masala asos bo‘lgan.

🔺 O‘rganish davomida “Mohirlar” mahallasida istiqomat qiluvchi fuqarolar tomonidan Soxil ko‘chasida 2025-yilda ichimlik suvi tarmog‘i o‘tkazilgani, biroq mazkur ishlar yakunlanganidan so‘ng bugungi kunga qadar yo‘lga asfalt qoplamasi yotqizilmagani ma’lum qilingan.

📁 Fuqarolarning ta’kidlashicha, yo‘l qoplamasining tiklanmagani hududda yashovchi aholi uchun kundalik harakatlanishda qator noqulayliklarni yuzaga keltirmoqda. Shu sababli ichimlik suvi tarmog‘i o‘tkazilganidan keyin yo‘lning holatini tiklash va asfaltlashtirish zarurati ko‘tarilgan.

🔎 Shu munosabat bilan deputat Davronbek Ravshanbekov tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga asosan Toshkent shahar hokimining o‘rinbosari — Uy-joy kommunal xo‘jaligi bosh boshqarmasi boshlig‘i O. Muminovdan “Mohirlar” MFY Sohil ko‘chasidagi mavjud holatni tegishli mutaxassislar ishtirokida o‘rganib chiqish so‘ralgan.

🛣 Shuningdek, o‘rganish natijalaridan kelib chiqib, Sohil ko‘chasining ichimlik suvi tarmog‘i o‘tkazilgan qismiga asfalt qoplamasi yotqizish masalasini ko‘rib chiqish va zarur choralarni belgilash deputatlik so‘rovida alohida qayd etilgan.

📩 Mutasaddi tashkilot rahbaridan mazkur masala yuzasidan amalga oshirilgan ishlar bo‘yicha 10 kun muddatda asoslantirilgan ma’lumot taqdim etish ham so‘ralgan.

🤝 “Mohirlar” mahallasidagi Sohil ko‘chasining yo‘l infratuzilmasini yaxshilash, ichimlik suvi tarmog‘i o‘tkazilganidan so‘ng yo‘l qoplamasini tiklash va fuqarolar uchun qulay harakatlanish sharoitini yaratishga qaratilgan mazkur masala deputat Davronbek Ravshanbekov tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash