Ózbekstan Respublikası Prezidentiniń 2026-jıl 11-sentyabrdegi “Turaqlı jumıs orınların jaratıw hám kishi biznesti jedel rawajlandırıw arqalı xalıqtıń dáramatların arttırıw ilajları haqqında”ǵı PP-193-sanlı Pármanınıń orınlanıwın nátiyjeli támiyinlew maqsetinde Xalıq deputatları Bozataw rayonlıq Keńesi deputatı, rayon hákimi B.Ubbiniyazov qatnasıwında máhálle “jetiligi” hám juwapker uyım hám shólkemlerdiń wákilleri menen májilis ótkerildi.

Májiliste Pármannıń mazmun-mánisi hám onda belgilengen tiykarǵı wazıypalar hár tárepleme dodalanıp, ámelge asırılıwı kerek bolǵan ilajlarǵa ayrıqsha itibar qaratıldı.

Májilis juwmaǵında, máhálleler kesiminde bar imkaniyatlardan nátiyjeli paydalanıw, hár bir wazıypanı mánzilli hám nátiyjeli shólkemlestiriw mexanizmleri boyınsha juwapkerlerge anıq tapsırmalar hám kórsetpeler berildi hámde anıq rejeler belgilep alındı.