“DOLZARB 40 KUNLIK”: “AHIL” MAHALLASIDA OBODONLASHTIRISH ISHLARI DAVOM ETMOQDA

“Dolzarb 40 kunlik” tadbirlari doirasida Xalq deputatlari Olmazor tumani Kengashi deputati Abdujalil Xasanov tashabbusi bilan “Ahil” mahallasida hududni obodonlashtirish va sanitariya holatini yaxshilashga qaratilgan amaliy ishlar olib borilmoqda.

🗣 Mazkur ishlar deputat boshchiligida hamda mahalladagi “yettilik” vakillari hamkorligida tashkil etilib, aholi uchun qulay va obod muhit yaratishga alohida e’tibor qaratilmoqda.

📉 Jumladan, “Ahil” MFY, Uzumbog‘ 1-tor ko‘chasi hududida to‘planib qolgan chiqindilarni olib chiqish, shuningdek, oqava suvlarning erkin oqib ketishini ta’minlash maqsadida mavjud suv yo‘llari va ariqlarni tozalash ishlari amalga oshirilmoqda.

❗️Deputat tashabbusi bilan boshlangan mazkur amaliy ishlar davomida hududdagi mavjud muammolar o‘rganilib, ularni bartaraf etish yuzasidan tegishli tashkilotlar bilan hamkorlikda zarur choralar ko‘rilmoqda.

🌱 Obodlik — hamjihatlik va birgalikdagi sa’y-harakatlar natijasidir!