O‘zbekiston Respublikasi Oliy Majlisi Senati Kengashining 2024-yil 11-avgustdagi KQ-666-IV-son Qarori bilan tasdiqlangan Nizomga muvofiq Xalq deputatlari tuman Kengashi raisi O.Babayev raisligida Tashabbusli budjet jarayonlarining 2026-yil 2-mavsumida kelib tushgan loyihalarni saralab olish bo’yicha ishchi guruhining yig‘ilishi bo‘lib o‘tdi. Yig‘ilishda deputatlar M.Ashurov va J.Sadirov, shuningdek, tuman hokimi o‘rinbosari va tegishli tashkilotlar rahbarlari ishtirok etdilar.

🔺Yig‘ilishda “Tashabbusli budjet” loyihasi doirasida Bo‘stonliq tumani aholisi tomonidan kelib tushgan umumiy qiymati 158,9 mlrd. so‘m bo‘lgan 125 ta takliflar ko‘rib chiqildi. Har bir loyihalarni batafsil ko‘rib chiqish davomida amalga oshirilishi turli dasturlar va manzilli ro‘yxatlarda nazarda tutilgan 10 ta takliflar rad etilib, taklif tashabbuskorlariga asoslantirilgan javoblar berilishi belgilandi.

🔺“Tashabbusli budjet” loyihasining ovoz berish jarayoniga tuman mahallalarining ichki yo‘llarini asfaltlashtirish, maktab va bog‘chalarni ta’mirlash, ichimlik suvi va kanalizatsiya tarmoqlarini yangilash va quyosh panelli tungi yoritish chiroqlarini o‘rnatish kabi 115 ta takliflar o‘tkazilishi haqida qaror qabul qilindi.