Hududlarda amalga oshirilayotgan ishlar o‘rganilmoqda.

Xalq deputatlari Qiziltepa tumani Kengashining 1-Malikobod saylov okrugidan saylangan tuman Kengashi deputati Gʻ.Safarov hamda O‘zbekiston Ekologik partiyasi Qiziltepa tuman Kengashi raisi G.Rahmatova Malikobod mahallasida faoliyat olib borayotgan hokim yordamchisi faoliyati bilan tanishdi.

O‘rganish jarayonida mahallada aholi bandligini ta’minlash, tadbirkorlikni rivojlantirish, fuqarolarning murojaatlari bilan ishlash hamda ehtiyojmand oilalarni qo‘llab-quvvatlash borasida olib borilayotgan ishlar muhokama qilindi.

Shuningdek, hududda aholi uchun yaratilayotgan imkoniyatlar va mavjud muammolar yuzasidan fikr almashilib, tegishli taklif va tavsiyalar berildi.