Xalq deputatlari Angor tumani Kengashi 22-Zartepa saylov okrugi deputati Yarmatov Muxiddin Nurxonovich tomonidan o‘z hududidagi 28-sonli umumta’lim maktabida o‘rganish ishlari amalga oshirildi. O‘rganish davomida maktabning sport zallari hamda sinf xonalari ko‘zdan kechirilib, o‘quvchilar uchun yaratilgan sharoitlar, xususan zamonaviy monitorlar bilan jihozlanganligi alohida e’tirof etildi. Shuningdek, maktab kutubxonasi faoliyati o‘rganilib, kutubxonachi Haydarova Gulbahor tomonidan mavjud adabiyotlar fondi hamda o‘quvchilarni kitobxonlikka jalb etish borasida olib borilayotgan ishlar haqida ma’lumot berildi. Jumladan, mazkur maktabning 7-sinf o‘quvchisi Bo‘riyev Aslanbek “Yosh kitobxon” tanlovining viloyat bosqichida munosib ishtirok etib, qariyb 600 dona badiiy adabiyotlarni yutib olgani va bu orqali maktab kutubxonasining boyishiga o‘z hissasini qo‘shgani alohida ta’kidlandi. Bundan tashqari, maktabda logoped xonalari ham mavjud bo‘lib, deputat logoped o‘qituvchi bilan suhbatlashdi hamda o‘quvchilarning nutqiy rivojlanishini ta’minlash borasida olib borilayotgan ishlar bilan yaqindan tanishdi. O‘rganish yakunida mavjud sharoitlarni yanada yaxshilash hamda ta’lim sifatini oshirish yuzasidan deputat tomonidan tegishli tavsiyalar berildi.