Xalq deputatlari Termiz tuman Kengashining Reglament va deputatlik odob-axloqi masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda bir qator muhim masalalar ko‘rib chiqildi. 

Jumladan, Xalq deputatlari Termiz tuman Kengashidagi deputatlik guruhlari tarkibiga o‘zgartirishlar kiritish to‘g‘risidagi masala muhokama qilindi. 

Shuningdek, Xalq deputatlari Termiz tumani Kengashi huzuridagi “Xalqparvar” komissiyasining yangilangan tarkibini tasdiqlash masalasi ham ko‘rib chiqildi.

Bundan tashqari, tuman hududidagi tashkilotlarni deputatlarga o‘rganish uchun biriktirish to‘g‘risidagi takliflar muhokama etildi.

Kun tartibidagi masalalar yuzasidan Xalq deputatlari tuman Kengashi kotibiyati mudiri Avliyakulov Akmal Avazovich ma’ruza qildi.

Shu bilan birga, Xalq deputatlari tuman Kengashining tuman tashkilot va idoralariga yuborilgan deputatlik so‘rovlari natijalari to‘g‘risidagi axborot ham tinglandi. Mazkur masala yuzasidan ham kotibiyat mudiri Avliyakulov Akmal Avazovichning ma’ruzasi eshitildi.