Xalq deputatlari Marg‘ilon shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi E. Yunusov tomonidan o‘ziga biriktirilgan loyihalar doirasida tadbirkorlik subyektlarida amaldagi qonunchilik hujjatlari ijrosi o‘rganilmoqda.

Navbatdagi o‘rganish ishlari O‘zbekiston Respublikasining 2012-yil 2-maydagi O‘RQ-328-son Qonuni bilan yangi tahrirda tasdiqlangan “Tadbirkorlik faoliyati erkinligining kafolatlari to‘g‘risida”gi Qonun talablarining amaliyotdagi ijrosini o‘rganish maqsadida “Golden Valley Fasteners” MChJ faoliyatida olib borildi.

O‘rganish davomida tadbirkorlik subyektining qonunchilikda belgilangan huquq va manfaatlari, faoliyat yuritish uchun yaratilgan shart-sharoitlar, tadbirkorlik faoliyatining qonuniyligi hamda mavjud muammolarni aniqlashga alohida e’tibor qaratildi.

Mazkur Qonunning asosiy vazifalaridan biri fuqarolarning tadbirkorlik faoliyatida erkin ishtirok etishi uchun zarur kafolat va shart-sharoitlarni yaratish, tadbirkorlik subyektlarining huquq va qonuniy manfaatlarini himoya qilishdan iborat.

Deputatlik nazorati doirasidagi bunday o‘rganishlar tadbirkorlik subyektlari faoliyatida qonuniylikni ta’minlash, mavjud muammolarni aniqlash va ularni bartaraf etishga ko‘maklashish, shuningdek, hududda ishbilarmonlik muhitini yanada yaxshilashga xizmat qiladi.

E. Yunusov tomonidan o‘rganish yakunlari bo‘yicha aniqlangan masalalar yuzasidan tegishli xulosalar va takliflar shakllantirilishi belgilandi.