🟢 AHOLI MUROJAATI ASOSIDA DEPUTATLIK SO‘ROVI YUBORILDI

Xalq deputatlari Sherobod tumani Kengashi 13-Qo‘shtegirmon saylov okrugi deputati Saidova Nigora Rajabboyevna tomonidan “Buyuk ipak yo‘li” mahallasi aholisining murojaati yuzasidan deputatlik so‘rovi yo‘llandi.

Ma’lumki, mahallada aholi bilan o‘tkazilgan uchrashuv va uyma-uy o‘rganishlar davomida P. To‘lakov berk ko‘chasining 200 metr qismini asfaltlashtirish masalasi ko‘tarilgan edi.

Fuqarolarning mazkur murojaatini e’tiborga olgan holda, deputat tomonidan Sherobod tumani hokimining o‘rinbosari Musayev Elbek Jo‘rayevich nomiga deputatlik so‘rovi kiritildi.

📌 So‘rovda P. To‘lakov berk ko‘chasining 200 metr qismini asfaltlashtirish masalasini tegishli mutasaddi tashkilotlar ishtirokida joyiga chiqqan holda o‘rganish, uni ijobiy hal etish bo‘yicha amaliy choralar ko‘rish hamda o‘rganish natijalari va ko‘rilgan choralar haqida asoslantirilgan yozma javob taqdim etish so‘ralgan.

🤝 Bu — aholi murojaatini eshitish bilan cheklanib qolmasdan, uning yechimi uchun aniq masala qo‘yish va natijasini nazoratga olishga qaratilgan deputatlik faoliyatining amaliy ko‘rinishidir.

Aholi murojaati — e’tiborda.
Muammo — nazoratda.
Yechim — amaliy harakatda.

Xalq deputatlari Sherobod tumani Kengashi kotibiyati matbuot xizmati.