Xalq deputatlari Bekobod shahar kengashining 12-“Samarqand” okrugi deputati “Adolat” SDP a’zosi G.Abdullayeva tomonidan Bekobod shahar M va MTBga qarashli 19-son MTTda deputatga biriktrilgan O‘zbekiston Respublikasining 2019-yil 16-dekabrdagi “Maktabgacha ta’lim va tarbiya to‘g‘risida”gi O‘RQ-595-son qonuni ijrosi o‘rganildi. O‘rganishda MTT direktori U.Karimova ishtirok etdi. Mazkur tashkilotda 10 ta guruhda 270 bolalar mavjud. Qonunning 11-moddasiga asosan davlat tomonidan kafolatlangan hajm doirasida bepul malakali tibbiy yordam ko‘rsatilishi belgilangan. Biroq, dori-darmon uchun garchi shahar Iqtisodiyot va moliya bo‘limi tomonidan mablag‘ mo‘ljallangan bo‘lsada, shahar M va MTB tomonidan dori-darmonlar xarid qilinmagan. Shuningdek, binoning o‘zi bir necha yillardan beri kapital ta’mirlanmaganligi bois bugun ta’mirlashga muhtoj ahvolga kelgan. Ushbu muammolarni hal etish yuzasidan shahar M va MTBga va shahar hokimligiga deputatlik so‘rovi bilan chiqilishi belgilandi.