O‘zbekiston Respublikasining “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi Qonuni (O‘RQ–263) hamda “Huquqbuzarliklar profilaktikasi to‘g‘risida”gi Qonuni (O‘RQ–371) ijrosi yuzasidan Xalq deputatlari Xorazm viloyati va Shovot tumani Kengashlari deputati E.Dushamov, Xalq deputatlari Shovot tumani Kengashi kotibiyati mudiri I.Masharipov hamda kotibiyat xodimi U.Ruzmetov ishtirokida deputatning saylov okrugi — Mevazor mahallasida profilaktika inspektori, mayor A.Soroboyev tomonidan amalga oshirilayotgan ishlar joyiga chiqib o‘rganildi.
📋 O‘rganish davomida mahallada jamoat tartibini saqlash, huquqbuzarliklarning oldini olish, voyaga yetmaganlar o‘rtasida nazoratsizlik va jinoyatchilikka qarshi profilaktik tadbirlarni samarali tashkil etish borasida amalga oshirilayotgan ishlar yuzasidan axborot tinglandi.
✅ O‘rganish natijalariga ko‘ra:
👮 Joriy yilning bugungi kuniga qadar mahalla hududida birorta ham jinoyat sodir etilmagan;
📑 6 nafar fuqaro probatsiya hisobida bo‘lib, ular bilan individual profilaktik ishlar muntazam olib borilmoqda;
🛡 “Mevazor” mahallasi “Jinoyatchilikdan xoli hudud” maqomiga ega bo‘lib, ushbu natijani saqlab qolish va yanada mustahkamlash yuzasidan tizimli choralar ko‘rilmoqda.
🔎 O‘rganish yakunida profilaktika ishlarining samaradorligini yanada oshirish, fuqarolar, ayniqsa, voyaga yetmaganlar o‘rtasida huquqiy madaniyatni yuksaltirish hamda jinoyat va huquqbuzarliklarning barvaqt oldini olish bo‘yicha tegishli tavsiya va takliflar bildirildi.
🤝 Fuqarolar tinchligi va osoyishtaligini ta’minlash, qonun ustuvorligini mustahkamlash hamda huquqbuzarliklar profilaktikasi sohasida davlat siyosati ijrosi ustidan deputatlik nazorati izchil davom ettiriladi.