Termiz tumanida maktabgacha ta’lim muassasalari faoliyati o‘rganildi:

Xalq deputatlari Termiz tuman Kengashi deputatlari tomonidan 2025-yilning avgust–sentabr oylarida tumandagi barcha maktabgacha ta’lim muassasalari faoliyati yuzasidan o‘rganish ishlari olib borildi.

Mazkur o‘rganishlarda bolalar uchun yaratilgan sharoitlar, tarbiyaviy jarayon sifati, pedagog va tarbiyachilar malakasi, ovqatlanish tartibi, gigiyena va sanitariya talablari bajarilishi, shuningdek, moddiy-texnik baza masalalari atroflicha tahlil qilindi.

Deputatlar joylarda mavjud muammolarni aniqlab, ularni hal etish yuzasidan mas’ul tashkilotlarga taklif va tavsiyalar berdilar. Xususan, ayrim bog‘chalarda isitish tizimini yangilash, bolalar maydonchalarini ta’mirlash, o‘quv-didaktik vositalarni boyitish hamda qo‘shimcha o‘rinlar yaratish zarurligi qayd etildi.

O‘rganishlar yakunida tumandagi maktabgacha ta’lim muassasalari faoliyatini yanada takomillashtirish, bolalar uchun qulay va xavfsiz sharoit yaratish bo‘yicha aniq choralar belgilab olindi.