26 may kuni Prezidentimiz Shavkat Mirziyoyev raisligida mahalliy sanoatni rivojlantirish masalalariga bag‘ishlangan videoselektor yig‘ilishi bo‘lib o‘tdi. Unda muhim tashabbus — Milliy brendlarni qo‘llab-quvvatlash kompaniyasini tashkil etish rejasi e’lon qilindi.

Xalq deputatlari Toshkent viloyat Kengashidagi O‘zLiDeP deputati sifatida, ushbu qarorni katta quvonch bilan qo‘llab-quvvatlayman. Negaki, mazkur tashabbus mamlakatimiz iqtisodiyoti uchun yangi imkoniyatlar eshigini ochadi.

Milliy brendlarni qo‘llab-quvvatlash kompaniyasining tashkil etilishi mahalliy ishlab chiqaruvchilarni rag‘batlantirib, O‘zbekistonda ishlab chiqarilgan mahsulotlarning raqobatbardoshligini oshirish va xalqaro bozorlarga kirib borishiga yordam beradi.

Shuningdek, yangi ish o‘rinlarini yaratilishida ham beqiyos o‘rin tutadi. Zero, mahalliy sanoatning rivojlanishi yangi ish o‘rinlari paydo bo‘lishiga zamin yaratadi, bu esa aholi bandligini oshirishga xizmat qiladi.

Kuchli milliy brendlar mamlakat iqtisodiyotini mustahkamlaydi va eksport salohiyatini oshiradi. 

Tadbirkorlik muhiti yanada yaxshilanib, tadbirkorlar uchun yangi imkoniyatlar va qulay sharoitlar yaratiladi, bu esa kichik va o‘rta biznes rivojiga turtki bo‘ladi.

Biz, deputatlar, ushbu kompaniya faoliyatini har tomonlama qo‘llab-quvvatlashga va uning samarali ishlashi uchun zarur shart-sharoitlarni yaratishda kamarbasta bo‘lishga tayyormiz. 

Bir so‘z bilan aytganda, videoselektor yig‘ilishida ko‘tarilgan masalalarning samarali ijrosi va ro‘yobga chiqarilishi – O‘zbekistonning iqtisodiy mustaqilligini mustahkamlash va xalqaro maydonda o‘z o‘rniga ega bo‘lishi yo‘lidagi muhim qadamdir.

✍️ Vadim Li,

Xalq deputatlari Toshkent viloyati Kengashi deputati