ZIYOLILAR KO‘CHASIDAGI MUAMMO O‘RGANILDI 

Xalq deputatlari Quva tuman Kengashi kotibiyat mudiri R.Nodirov hamda
kotibiyat bosh mutaxassisi M.To‘xtasinov tomonidan Rasta mahalla fuqarolar
yig‘ini raisi hamrohligida Ziyolilar ko‘chasidagi mavjud muammolar o‘rganildi. 

O‘rganish davomida ko‘cha aholisi bilan muloqot qilinib, ularning fikr va
takliflari tinglandi. Muloqot jarayonida fuqarolar tomonidan ko‘chaning asfalt
qoplamasi bilan bog‘liq muammo ko‘tarildi. 

Mazkur masala yuzasidan mahalla raisiga muammoni belgilangan tartibda
rasmiylashtirish, zarur hujjatlarni tayyorlash hamda tuman hokimligiga taqdim
etish tavsiya qilindi. 

Muammo “Deputatning ko‘cha aylanish daftari”ga qayd etildi va hal etilishi
nazoratga olindi.