TOMORQA YERLARIDAN SAMARALI FOYDALANISH — DEPUTATLIK NAZORATIDA
📌 Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan aholi xonadonlaridagi tomorqa yer uchastkalaridan samarali foydalanish masalasi muhokama qilindi.
📝 Doimiy komissiyaning 2026-yil 25-sentabrdagi DKQ 03-04/150-26-son qarori bilan O‘zbekiston Respublikasi Vazirlar Mahkamasining dehqon xo‘jaliklari va tomorqa yer uchastkalaridan samarali foydalanishni tashkil etish bo‘yicha qarori ijrosini tumanda kompleks o‘rganish belgilandi.
🔎 O‘rganishlar davomida:
▫️ xonadonlarning tomorqa yer maydonlari;
▫️ yerlarning maqsadli va samarali foydalanish holati;
▫️ foydalanilmayotgan yoki qarovsiz qolgan yer maydonlari;
▫️ sabzavot, poliz, kartoshka va boshqa ekinlarning ekilishi;
▫️ ekinlarning holati va agrotexnik tadbirlarning bajarilishi;
▫️ takroriy ekin ekish imkoniyatlaridan foydalanish;
▫️ yuqori daromadli ekinlarni joylashtirish;
▫️ mavjud bog‘ va tokzorlarning holati;
▫️ intensiv bog‘dorchilik imkoniyatlari o‘rganiladi.
📊 Shuningdek, aniqlangan muammolarning sabablari tahlil qilinib, ularni bartaraf etish, tomorqa yerlaridan unumli foydalanish va aholi xonadonlarida qo‘shimcha daromad manbalarini yaratish bo‘yicha aniq takliflar ishlab chiqiladi.
👥 Mazkur vazifalarni amalga oshirish uchun doimiy komissiya qarori bilan ishchi guruh tuzildi. O‘rganish ishlari tasdiqlangan savolnoma asosida mahallalar va xonadonlar kesimida olib boriladi.
🌾 Tomorqa — daromad va farovonlik manbai. Uni samarali tashkil etish orqali oilaviy daromadlarni oshirish, oziq-ovqat mahsulotlari yetishtirish va mavjud yer resurslaridan oqilona foydalanishga erishish maqsad qilinmoqda.
Xalq deputatlari Pastdarg‘om tumani Kengashi
Agrar, suv xo‘jaligi va ekologiya masalalari bo‘yicha doimiy komissiyasi