Xalq deputatlari Yangiobod tuman Kengashi deputati H.Qudratov tomonidan Do‘stlik MFYning Pastkichaqir qishlog‘ida “Yangi O‘zbekiston qiyofasi” dasturi asosida qurilayotgan piyodalar yo‘lagidagi qurilish ishlari joyiga chiqqan holda o‘rganildi.

O‘rganish davomida piyodalar yo‘lagini barpo etish jarayoni, qurilish ishlarining borishi, yo‘lakning belgilangan hudud bo‘ylab joylashtirilishi hamda aholi uchun qulay va xavfsiz harakatlanish sharoitlarini yaratish ishlari ko‘zdan kechirildi.

Shuningdek, hududda tungi yoritish chiroqlarini o‘rnatish holati, piyodalar yo‘lagi bo‘ylab yetarli yoritishni ta’minlash, ayniqsa, kechki va tungi vaqtlarda fuqarolarning xavfsiz va qulay harakatlanishi uchun zarur sharoit yaratish yuzasidan fikr almashildi.

Qurilish ishlarini sifatli olib borish, piyodalar yo‘lagining davomiyligini ta’minlash, hududni obodonlashtirish hamda tungi yoritish tizimini o‘rnatish bo‘yicha ishlarni uyg‘unlashtirish masalalariga e’tibor qaratildi.

O‘rganish yakunida piyodalar yo‘lagini sifatli yakunlash, tungi yoritish chiroqlarini o‘rnatish, hududdagi xavfsizlikni ta’minlash va aholiga yanada qulay sharoit yaratish yuzasidan tegishli tavsiyalar berildi.

Mazkur ishlarning sifatli va o‘z vaqtida amalga oshirilishi, jumladan, piyodalar yo‘lagining foydalanishga topshirilishi hamda tungi yoritish tizimining yo‘lga qo‘yilishi deputatlik nazorati doirasida kuzatib boriladi.