Новости
Последние новости
#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati
❗️UCHTEPA TUMANIDA YONG‘IN XAVFSIZLIGI BO‘YICHA PROFILAKTIK TADBIR O‘TKAZILDI
🏛 Xalq deputatlari Toshkent shahar Kengashi deputati Dilshod Shoumarov boshchiligida Uchtepa tumanida yong‘in xavfsizligini ta’minlash, favqulodda holatlarning oldini olish hamda aholi o‘rtasida xavfsizlik madaniyatini oshirishga qaratilgan profilaktik tadbir o‘tkazildi.
🚒 Tadbir davomida hududlarda yong‘in xavfsizligi talablariga rioya etilishi, ayniqsa, aholi yashash xonadonlari va ko‘p qavatli uylar atrofidagi holat, elektr hamda gaz jihozlaridan xavfsiz foydalanish, ehtimoliy yong‘inlarning kelib chiqishiga sabab bo‘lishi mumkin bo‘lgan omillarning oldini olish masalalariga e’tibor qaratildi.
🔎 Shuningdek, kuz-qish mavsumiga tayyorgarlik nuqtayi nazaridan isitish vositalaridan to‘g‘ri foydalanish, elektr tarmoqlariga ortiqcha yuklama tushishining oldini olish hamda yong‘in xavfsizligi talablariga qat’iy amal qilish zarurligi yuzasidan tushuntirishlar olib borildi.
🤝 O‘rganish jarayonida mutasaddi xizmatlar va hudud faollari bilan mavjud holatlar muhokama qilinib, yong‘in xavfsizligini ta’minlashda faqat favqulodda vaziyat yuz bergandan keyin choralar ko‘rish emas, balki profilaktik tadbirlarni muntazam tashkil etish va xavf omillarini oldindan aniqlash muhimligi qayd etildi.
📋 Mazkur tadbir Mahalliy Kengash deputati faoliyatining eng muhim yo‘nalishlari bo‘yicha tavsiyalar, jumladan, kuz-qish mavsumida isitish tizimlari holatini o‘rganish, ko‘p qavatli uylarning ichki yo‘laklari va yerto‘lalaridagi xavfsizlikni ta’minlash, elektr energiyasi va gaz ta’minoti bilan bog‘liq masalalarni nazorat qilish vazifalari bilan uyg‘un holda olib borildi.
🗣 Deputat Dilshod Shoumarov aholi xavfsizligini ta’minlash, yong‘inlarning oldini olish va fuqarolarning bu boradagi mas’uliyatini oshirishga qaratilgan profilaktik ishlarni mahallalarda tizimli davom ettirish muhimligini ta’kidladi.
🔺 Tadbir yakunida aniqlangan masalalarni tegishli mutasaddi tashkilotlar bilan hamkorlikda bartaraf etish, yong‘in xavfsizligi bo‘yicha profilaktik ishlarni kuchaytirish hamda kuz-qish mavsumini xavfsiz o‘tkazishga qaratilgan chora-tadbirlarni deputatlik nazoratida davom ettirish belgilandi.