Xalq deputatlari Chilonzor tumani Kengashi deputati Imamov Sanjarali Tolqinovich tomonidan “Beshqo‘rg‘on” mahalla fuqarolar yig‘ini hududidagi ichki ko‘chalarning holatini yaxshilash, aholi uchun qulay va xavfsiz harakatlanish sharoitlarini yaratish masalasi yuzasidan tegishli tashkilotga deputat so‘rovi yuborilgan edi.

Deputat so‘rovida mahalla hududidagi 1-tor Karvonsaroy, 4-tor Karvonsaroy, 4-tor Beshqo‘rg‘on hamda 2-berk Beshqo‘rg‘on ko‘chalarini ta’mirlash va asfalt qoplamasi yotqizish bo‘yicha amaliy choralar ko‘rish masalasi ko‘tarilgan.

Mazkur deputat so‘rovi yuzasidan mutasaddi tashkilot tomonidan tegishli o‘rganishlar olib borilib, rasmiy javob taqdim etildi.

Bugungi kunga qadar deputat Imomov Sanjarali Tolqinovichning tashabbusi va deputatlik nazorati asosida murojaatda ko‘rsatilgan ayrim ko‘cha va yo‘l qismlarida asfalt qoplamasi yotqizilib, zarur obodonlashtirish ishlari amalga oshirildi.

Qolgan ko‘cha va yo‘l qismlarini ta’mirlash hamda asfaltlash ishlari tegishli tartibda rejalashtirilgan bo‘lib, ayni paytda ularni bosqichma-bosqich amalga oshirish bo‘yicha ishlar olib borilmoqda.

Mazkur masalaning to‘liq hal etilishi, belgilangan ishlarning sifatli va o‘z vaqtida yakunlanishi deputat Imomov Sanjarali Tolqinovichning doimiy deputatlik nazoratida bo‘lib qoladi.

Aholi murojaatlarini amaliy hal etish, hudud infratuzilmasini yaxshilash va fuqarolar uchun munosib sharoit yaratish — deputatlik faoliyatining ustuvor yo‘nalishlaridan biridir.