Xalq deputatlari Muzrabot tumani Kengashiga 21-"Guliston" saylov okrugidan saylangan deputat, tuman hokimi Abdulla Mamatqulov tegishli mas’ullar ishtirokida O‘zbekiston Respublikasi Prezidentining 2024-yil 28-martdagi PQ–141-son qarori ijrosi doirasida, Islom taraqqiyot banki ishtirokida hamda BMT Taraqqiyot dasturi bilan hamkorlikda amalga oshirilayotgan “Qishloq joylarni kompleks rivojlantirish” loyihasi asosida tumanning “Guliston” mahallasida joylashgan 49-umumta’lim maktabida olib borilayotgan qurilish ishlari ko‘zdan kechirildi. Ushbu o'rganishga tuman Kengashi kotibiyati bosh mutaxassisi B.Xoliqov ham hamrohlik qildi.

Mazkur hududda 12x24 o‘lchamdagi zamonaviy sport zali, 50 o‘rinli oshxona qurilishi hamda maktab hududini o‘rash ishlari amalga oshirilmoqda.

Tuman hokimi, deputat tomonidan qurilish jarayonlarining sifatli va belgilangan standartlar asosida olib borilishi, foydalanilayotgan qurilish materiallarining sifati, ishlarning o‘z vaqtida yakunlanishi alohida nazoratga olindi.

Shuningdek, aniqlangan kamchiliklarni bartaraf etish, ishlar samaradorligini oshirish yuzasidan mas’ullarga zarur topshiriq va ko‘rsatmalar berildi.