Xalq deputatlari Pastdarg‘om tuman Kengashining navbatdagi sessiyasida ko‘rib chiqiladigan masala yuzasidan deputat tomonidan o‘rganish ishlari davom ettirilmoqda.

Navbatdagi sessiya kun tartibiga “O‘zbekiston–2030” strategiyasining suv resurslaridan oqilona foydalanish yo‘nalishi bo‘yicha amalga oshirilgan ishlar hamda tumanda suv tejovchi sug‘orish texnologiyalarini joriy etish holati to‘g‘risida”gi hisobot kiritilgan.

Masala yuzasidan deputat M.Kazakov tomonidan To'qboy MFYda o‘rganish ishlari olib borildi.

O‘rganishda mahalla ko‘chaboshisi R. Raxmonov fuqarolar bilan suhbat o‘tkazilib, suv resurslaridan foydalanish holati, sug‘orish tizimidagi muammolar va suvni tejashga qaratilgan ish muhokama qilindi.

Suhbat davomida fuqarolar tomonidan mahalladagi ayrim ichki ariq va zovurlarni qaytadan qazish zarurligi, loyqa bosib qolganligi va suv oqimining sustligihaqida murojaatlar bildirildi.