Xalq deputatlari Boyovut tumani Kengashi deputati G.Rizayeva Mirishkor mahallasida joylashgan 9-sonli oilaviy poliklinikada o‘rganish olib bordi.

O‘rganish davomida nogironligi bo‘lgan fuqarolar uchun yaratilgan sharoitlar, xususan, maxsus panduslar va nogironlar aravachalari bilan ta’minlanganlik holati ko‘zdan kechirildi. Shuningdek, tibbiyot muassasasida ichki infeksiyalar tarqalishining oldini olish maqsadida xodimlarning qo‘l yuvish vositalari bilan ta’minlanganligi ham o‘rganildi.

Bundan tashqari, tug‘ruq yoshidagi ayollarni bepul dori vositalari, jumladan, Yodomarin va Complivit polivitaminlari bilan ta’minlash hamda ularni tarqatish jarayonlari yuzasidan mas’ullar bilan suhbat o‘tkazildi.