Xalq deputatlari Ohangaron tuman Kengashining 7-Quyun saylov okrugi deputati Mirzavaliyev Abbos Shavkatovich tomonidan aholi murojaatlari va hududdagi mavjud muammolarni o‘rganish natijasida Quyun mahallasi hududida joylashgan avtobus bekatining nosoz holatda ekani aniqlandi.

Mazkur masala yuzasidan tegishli tashkilotlarga deputatlik so‘rovi yuborilib, bekat holati atroflicha o‘rganildi. O‘rganishlar natijasida uzoq yillar davomida foydalanib kelingan, eskirib qolgan avtobus bekatini zamonaviy ko‘rinishda qayta barpo etish zarurligi belgilandi.

Amalga oshirilgan ishlar natijasida eski avtobus bekati demontaj qilinib, uning o‘rniga aholi uchun barcha qulayliklarga ega bo‘lgan yangi va zamonaviy avtobus bekati o‘rnatildi. Yangi bekat fuqarolarning jamoat transportini kutish jarayonida qulay va xavfsiz sharoit yaratishga xizmat qilmoqda.

Ushbu amaliy ish mahalla infratuzilmasini yaxshilash, aholiga munosib turmush sharoitlarini yaratish hamda hududni obodonlashtirish borasida olib borilayotgan ishlardan biridir.

Deputat Mirzavaliyev Abbos Shavkatovich tomonidan saylov okrugidagi ijtimoiy ahamiyatga ega masalalarni hal etish, aholi murojaatlariga ijobiy yechim topish va hududlarni yanada obod qilishga qaratilgan ishlar izchil davom ettirilmoqda.

Slide 1 of 3