Murojaat yuzasidan shahar Kengashi kotibiyat mudiri A.Ermatov murojaatchi bilan suhbat o‘tkazib, masalaning mazmuni atroflicha o‘rganildi.

Ma'lum qilinishicha, Marg‘ilon shahar Navro‘z MFY Charxpalak ko‘chasidagi elektr ta’minotini yaxshilash maqsadida zarur elektr jihozlari va tayanch ustunlari zarur.

Hudud aholisini qiynab kelayotgan elektr ta’minoti bilan bog‘liq muammoni bartaraf etish hamda mavjud infratuzilmani yaxshilash masalasi deputatlar nazoratiga olindi.

Xalq deputatlari Marg‘ilon shahar Kengashi tomonidan fuqarolarning murojaatlarini o‘rganish, ularning muammolariga yechim topish borasidagi ishlar davom ettirilmoqda.