27-Sinchi -saylov okrugi deputati X.Turdiyev Qorag‘uppa mahallasi “yettiligi” va nuroniylari bilan uchrashib, hududdagi mavjud muammolar yuzasidan ochiq muloqot o‘tkazdi.

Suhbat davomida aholi tomonidan asosiy muammo sifatida so‘nggi bir oy davomida “Toza hudud” tomonidan chiqindilarni o‘z vaqtida olib ketilmayotgani qayd etildi.

Mahalla faollari va nuroniylar ushbu holat aholiga noqulaylik tug‘dirayotgani, sanitariya holatiga salbiy ta’sir ko‘rsatayotganini ta’kidladilar.

Deputat tomonidan mazkur masala nazoratga olinib, muammoni tezkor hal etish maqsadida tegishli mas’ul tashkilotlarga deputatlik so‘rovi yuborilishi va ijrosi ustidan nazorat o‘rnatilishi ma’lum qilindi.