📌Халқ депутатлари Янгиқўрғон туман Кенгаши депутати Боймирзаев Улуғбек Муҳаммадович томонидан Жаҳон банкининг “Қишлоқ инфратузилмасини ривожлантириш” лойиҳаси доирасида ҳудудларда амалга оширилаётган қурилиш ва ободонлаштириш ишлари доимий депутатлик назоратига олинган.

Навбатдаги ўрганишлар давомида депутат томонидан Ғалаба маҳалла фуқаролар йиғинида амалга оширилаётган асфальтлаш ишлари жойига чиққан ҳолда кўздан кечирилди. Ушбу лойиҳа доирасида маҳалла ҳудудида жами 4,5 километр ички йўлларни асфальтлаш ишлари режалаштирилган бўлиб, лойиҳанинг умумий қиймати 1,8 миллиард сўмни ташкил этади.

Қурилиш ишлари “Маржона Шаҳноза” МЧЖ томонидан амалга оширилаётган бўлиб, ҳозирги кунда объектда тайёргарлик ишлари, йўл асосини шакллантириш ва асфальт қопламасини ётқизиш ишлари босқичма-босқич олиб борилмоқда.

Ўрганиш жараёнида:

бажарилаётган ишлар сифати,

қурилиш материалларининг меъёрий талабларга мувофиқлиги,

техник хавфсизлик қоидаларига риоя этилиши,

белгиланган муддатларга амал қилиниши

каби масалалар атрофлича таҳлил қилинди.

Шунингдек, маҳалла аҳолиси билан мулоқот ўтказилиб, уларнинг йўл инфратузилмасини яхшилаш борасидаги фикр-мулоҳазалари тингланди. Аҳоли томонидан мазкур лойиҳанинг амалга оширилиши ҳудудда ҳаракатланиш қулайлигини ошириш, айниқса, ёмғирли мавсумларда юзага келадиган муаммоларни бартараф этишда муҳим аҳамиятга эга экани таъкидланди.

Депутат томонидан масъул ташкилот ва пудратчига: — ишларни белгиланган муддатларда сифатли якунлаш,

✔️ йўл қопламасининг мустаҳкамлиги ва узоқ муддат хизмат қилишини таъминлаш,

✔️ аҳоли учун хавфсиз ва қулай шароит яратиш

юзасидан аниқ кўрсатмалар ва тавсиялар берилди.

Мазкур йўналишдаги ўрганишлар изчил равишда давом эттирилиб, амалга оширилаётган барча лойиҳалар депутатлик назоратида бўлиб қолади.

Slide 1 of 1