Ushbu so‘rov Qiziriq tumani “Yetimqum” mahallasida olib borilgan o‘rganishlar hamda fuqarolardan kelib tushgan murojaatlar asosida yuborildi.

So‘rovda hududda birlamchi tibbiy xizmatlardan foydalanish imkoniyati cheklanganligi, aholining tibbiy yordam olish uchun uzoq masofalarga qatnashga majbur bo‘layotgani alohida ta’kidlangan. Bu esa aholining salomatligi, kasalliklarning oldini olish va o‘z vaqtida tibbiy yordam ko‘rsatish tizimiga salbiy ta’sir ko‘rsatayotganligi qayd etilgan.

Deputat tomonidan quyidagi masalalar yuzasidan aniq va asoslantirilgan javoblar so‘raldi. Jumladan,

— “Yetimqum” mahallasida tibbiy xizmat holati bo‘yicha o‘rganishlar o‘tkazilganligi;

— hududda modul tibbiyot punkti (maxsus tibbiyot konteyneri) o‘rnatish imkoniyati;

— aholiga qulaylik yaratish uchun aniq chora-tadbirlar rejasi ishlab chiqilishi;

— amalga oshirish muddatlari va mas’ul ijrochilar haqida ma’lumot.

Mazkur deputat so‘rovi aholini sifatli va qulay tibbiy xizmat bilan ta’minlash, mavjud muammolarni tizimli hal etish hamda hududlarda tibbiy infratuzilmani rivojlantirishga xizmat qiladi.

So'rov natijasida mas’ul tashkilot tomonidan qisqa muddatlarda aniq yechimlar, amaliy choralar rejasi hamda “Yetimqum” mahallasi aholisi uchun tibbiy xizmatlardan foydalanish imkoniyatlarini yaxshilashga erishiladi.