🔸Xalq deputatlari Jizzax shahar Kengashi deputati N.Shamsiyeva ishtirokida “Olmazor” mahallasida obodonlashtirish va tozalikni taʼminlash maqsadida hashar ishlari tashkil etildi.

🔸Unda mahalla faollari, yoshlar va nuroniylar faol ishtirok etib, hududni yana-da obod va fayzli qilishga o‘z hissalarini qo‘shdilar. Hashar davomida ko‘chalar tozalanib, chiqindilar yig‘ishtirildi, daraxtlar atrofi tartibga keltirilib, yashil hududlarga alohida eʼtibor qaratildi.

🔸Shuningdek, aholining birdamligi va hamjihatligi natijasida qisqa fursatda katta hajmdagi ishlar amalga oshirildi. Bu kabi ezgu tashabbuslar mahallaning sanitariya holatini yaxshilash, aholi uchun qulay va pokiza muhit yaratishda muhim ahamiyat kasb etmoqda.